Ferð meðfram strönd Melrakkasléttu og fylgst með farfuglum sem stoppa á leið sinni til Kanada og Grænlands.

Þetta framtak er hluti af HÁTÍÐ LÍFFRÆÐILEGRAR FJÖLBREYTNI 2023 https://biodice.is/hatid2023/

Rannsóknastöðin Rif bíður uppá kaffispjallröð sumarið 2023. Fyrsti kaffispjallið ber heitið: Ísland og Norðurslóðir; um hvað snýst það eiginlega?

“Loftslagsbreytingar, efnahagsleg tækifæri, skipaflutningar og hafnir, olía og gas og aðrar auðlindir, öryggismál. Þessi umfjöllunarefni eru gjarnan áberandi í allri umræðu um norðurslóðir en of oft vill gleymast að ræða um samfélagsbreytingar, seiglu og aðlögun, heilsu og velferð, aðgengi að innviðum s.s. menntun, líffræðilegan fjölbreytileika, frumbyggja og jaðarsett samfélög. Í erindi sínu mun Embla fjalla um helstu málefni sem varða norðurslóðir og hvernig þau tengjast hagsmunum Íslands og íslenskum samfélögum.”

Embla Eir Oddsdottir er forstöðumaður Norðurslóðanets Íslands og formaður Samvinnunefndar um málefni norðurslóða. Embla er fulltrúi Íslands í vinnuhóp um sjálfbæra þróun sem heyrir undir Norðurskautsráðið og einnig í sérfræðingahóp um félags, – efnhags, – og menningarleg málefni á norðurslóðum. Jafnframt leiðir hún verkefni vinnuhóps um sjálfbæra þróun um kynjamál á norðurslóðum, er í stjórn alþjóðlega samtaka félagsvísindamanna á norðurslóðum (International Arctic Social Science Association), og var í stjórn Rannsóknastöðvarinnar Rifs á Raufarhöfn fyrir hönd Háskólans á Akureyri og Stofnunar Vilhjálms Stefánssonar. Bakgrunnur Emblu er þverfaglegur; samfélags- og hagþróunarfræði, heimskautaréttur, og lög, mannfræði og samfélag.

Kaffispjallið er styrkt af uppbyggingarsjóð Norðurlands eystra.

Micael J, Rodrigues P, Ramos-Esplá A, Gíslason S (2023). Recent spread of non-indigenous ascidians (Chordata: Tunicata) in Icelandic harbours. Marine Biology Research. DOI: 10.1080/17451000.2023.2176882.

Loftslagsgögn síðustu tveggja ára (Veðurstofa á Melrakkasléttu).

Hámarks lofthiti var 23,56 ºC þann 30/08/2022 kl 15:30

Lágmarks lofthiti var -16,22 °C þann 13/02/2022 kl 23:40

Hámarksvindhraði var 28,45 m/s (102,42 km/k) þann 22/02/2022 kl. 04:40

Rannsóknastöðin Rif er aðili að INTERACT samtökunum, sem nú bjóða upp á styrki til rannsóknarstarfa á yfir 40 rannsóknarstöðvum víðsvegar um norður heimskautið.

Umsóknarfrestur er til 15.nóvember nk. til verkefna í apríl – október 2023 en haldið verður sérstakt kynningarnámskeið þann 5.október nk. á ZOOM. Hvetjum við allar stofnanir og vísindamenn hér á landi til að kynna sér málið frekar.

INTERACT TA/RA Call is open 12th Sept-15th Nov

ENGLISH VERSION BELOW

Rannsóknastöðin Rif hefur ráðið líffræðinginn Pedro Rodrigues í stöðu forstöðumanns frá og með 10. maí 2021. Pedro starfaði um skeið við Náttúrustofu Suðvesturlands en hann er portúgalskur að uppruna og hefur búið og stundað rannsóknir meðal annars í Portúgal, Chile og á Íslandi. Hann er með doktorspróf í líffræði frá háskólanum á Asoreyjum og hefur áralanga reynslu af rannsóknum, kennslu og ýmsum störfum á sviði náttúruvísinda. Víðtæk reynsla hans og þekking á málaflokknum mun án efa nýtast vel í starfi Rifs á næstu árum.

Rannsóknastöðin Rif fagnar þessum stóra áfanga og býður Pedro Rodrigues hjartanlega velkominn til starfa sem forstöðumaður. Við hlökkum til að vinna með honum að áframhaldandi uppbyggingu Rifs!

ENGLISH

Rif Field Station has hired biologist Pedro Rodrigues as Station Manager as of May 10, 2021. Pedro, who is of Portuguese origin, worked for a while as an independent researcher at the Southwest Iceland Nature Research Centre, Iceland. He holds a PhD in biology from the University of the Azores, Portugal, and has lived and worked in Portugal, Iceland, the Azores and Chile. Pedro is an experienced researcher and scientist and his expertise will without a doubt be extremely valuable for Rif.

The board and staff of Rif Field Station would like to welcome Pedro as Rif’s new station manager! We are excited to work with him and continue to strengthen Rif Field Station.

Rannsóknastöðin Rif stendur á tímamótum og auglýsir laust til umsóknar starf forstöðumanns. Um fullt starf er að ræða og starfsstöðin er á Raufarhöfn – sjá allar helstu upplýsingar í meðfylgjandi auglýsingu. Auglýsingunni verður einnig dreift á ensku.

Undanfarin ár hafa Sameinuðu þjóðirnar haldið upp á dag hafsins þann 8. júní. Á þeim degi er ekki úr vegi að huga að þeim ógnum sem að hafinu steðja og þeim staðbundnu aðgerðum sem við öll getum gripið til til að vernda vistkerfi í og við hafið.

Plastmengun er eitt þessara vandamála og á Melrakkasléttu fer plastrusl í fjörunni ekki framhjá íbúum svæðisins. Í vetur sem leið, 2019-2020, var veður þannig að gríðarlega mikið magn af plastrusli barst af sjó langt upp á land á allri Sléttunni. Plastið setur nú mikinn svip á fjörurnar og of mikið er af því til að raunhæft væri fyrir íbúa eina að ætla að hreinsa svæðið.

Rannsóknastöðin Rif hefur því stofnað til samstarfs við sveitarfélagið Norðurþing og sjálfboðaliðasamtökin Veraldarvini, ásamt mögulega fleiri aðilum, um að skipuleggja strandhreinsun á Melrakkasléttu í sumar, á svæðinu frá Raufarhöfn og norður á Hraunhafnartanga. Samráð hefur verið og verður áfram haft við landeigendur á svæðinu um skipulagningu og framkvæmd hreinsunarinnar, en búast má við hópum sjálfboðaliða á Raufarhöfn til að vinna að þessu verkefni í sumar.

Starfsmenn Rifs munu hafa umsjón með skipulagningu strandhreinsunarinnar – nánari upplýsingar veitir Gísli Briem í síma 856 9545.

---

Efsta myndin í þessari frétt er af verki á sýningu Guðmundar Arnar Benediktssonar á Kópaskeri 2018, en efnið í sýningunni var fengið úr fjörum á Melrakkasléttu. Sýningunni var ætlað að vekja athygli á plastmengun í hafi.

 

 

Náttúrufræðistofnun Íslands og Rannsóknastöðin Rif eru að leita að tveimur námsmönnum til að sinna vistgerðarkortlagningu á vettvangi á Melrakkasléttu í sumar. Hægt er að sækja um starfið hér á vef Vinnumálastofnunar.

Starfið felst í því að fara um Melrakkasléttu og greina ólíkar vistgerðir á landi, ferskvatni og í fjörum með hliðsjón af vistgerðarkorti sem NÍ hefur áður unnið, að mestu með fjarkönnun. Vistgerðarlyklar NÍ verða notaðir við greininguna. Einnig er ætlunin að skrá algengar og auðþekktar tegundir plantna á svæðinu.

Verkið verður unnið í góðri samvinnu við starfsmenn Rifs og undir leiðsögn sérfræðinga á Náttúrufræðistofnun.

Við hvetjum öll sem hafa áhuga á Melrakkasléttu, útivist og náttúruvísindum til að sækja um og við hjá Rifi hlökkum til að bæta við hópinn okkar í sumar. Hafa má samband við Hrönn, forstöðumann Rifs, í síma 856 9500 eftir frekari upplýsingum.

[Athugið að umsóknarfrestur um þetta starf rann út 22. apríl 2020. Tilkynnt verður um ráðningu í maí 2020.]

Rannsóknastöðin Rif auglýsir eftir starfsmanni til að sinna fjölbreyttum verkefnum Rifs ásamt forstöðumanni á Raufarhöfn árið 2020. Allar frekari upplýsingar eru í auglýsingunni sem hér fylgir. Við hvetjum öll sem hafa áhuga til að sækja um!

Hlekkur á auglýsingu á pdf formi.