Aðstaða

Hreiðrið

Rif leggur áherslu á að bjóða upp á góða aðstöðu fyrir vísindamenn sem áhuga hafa á að nýta sér þá einstæðu möguleika sem Rifsjörð og Melrakkasléttan öll hefur upp á að bjóða. Rannsóknastöðin hefur því á leigu 66m2 húsnæði á fyrstu hæð Aðalbrautar 16 á Raufarhöfn, en þar er nú einnig rekið gistiheimilið Hreiðrið. Fyrsta hæðin er aðskilin frá öðrum hlutum hússins og að henni liggur sér inngangur. Í kjallara hússins mun rannsóknastöðin hafa aðgang að geymsluplássi og rannsóknaaðstöðu sem hægt verður að nýta í ýmiskonar blautvinnu og annað sem með þarf.

Þjónusta á staðnum

Á Raufarhöfn er til staðar öll helsta þjónusta og meira til eins og:

  • Matvöruverslun
  • Banki (útibú Landsbankans) og pósthús
  • Heilsugæslustöð og apótek
  • Sundlaug og íþróttahús
  • Hótel, og aðrir gistimöguleikar
  • Veitingastaður og kaffihús
  • Bensínstöð
  • Véla- og trésmiðja

Jörðin Rif

Rannsóknastöðin hefur alfarið til umráða jörðina Rif – nyrstu jörð á Íslandi. Jörðin og náttúra hennar gefa óþrjótandi möguleika á hvers konar vöktun og rannsóknum á sviði náttúruvísinda norður við heimskautsbaug, m.a. á:

  • gróðri og fuglalífi
  • lífi í vötnum frá hafi til heiða
  • ströndinni með öllum sínum líffræðilega margbreytileika
  • áhrifum hafs á landmótun

Melrakkasléttan og Raufarhöfn er einnig kjörinn vettvangur til rannsókna á samspili manns og náttúru auk byggðaþróunar.

rif

 

← Til baka