Þó það sé enn ansi jólalegt um að litast er þó daginn tekið að lengja hér á Raufarhöfn sem og annars staðar. Það er því ekki seinna vænna en að starfsmaður mæti í hús, en það eru ansi mörg spennandi verkefni framundan á árinu sem þarf að fara að vinna að. Því er gaman að segja frá því að búið er að tryggja stöðu verkefnastjóra Rifs að minnsta kosti út árið 2016! Til að fagna þeim áfanga og hækkandi sól nýtti því undirrituð hádegishléð sitt í að smella nokkrum fallegum myndum af bænum og höfninni í vetrarbúningi.

Bestu kveðjur, Jónína Sigríður