Það var vetrarlegt um að litast á Melrakkasléttu þann 16. mars þegar Guðmundur Örn Benediktsson fór þar um í mánaðarlegri sendlingatalningu. Sendlingur, Calidris maritima, er einn af einkennisfuglum Melrakkasléttu og óvíða finnst þéttara varp sendlinga en á Sléttu á vorin. Íslenskir og erlendir fuglafræðingar stunda nú rannsóknir á sendlingum á Sléttu í samstarfi við Guðmund Örn, fuglaáhugamann á Kópaskeri, sem vaktar ferðir sendlinga allt árið um kring. Myndir: GÖB #Melrakkaslétta #arcticresearch
